شعر بالعاميه العراقيه من تأليفي

المن انادي وصوتي مو مسموع
_المن التجي ويسمع أصواتي
_أحس نفسي وحيد ابنص الجموع
_وأحس نفسي أختنك وأتلاقط أنفاسي
_وكوم انزف دمع وشلت الدموع
_عوزت نفسي البجي سيلت عويناتي
_وبالغربة أوف من الغربة
_بالغربة كاعد صفن ماناقش بموضع
_وما أكعد بنص أخوتي وخواتي
_أحس ذاك الدرب المضوي بالشموع
_أنطفى للأبد من يضوي شمعاتي
_بالغربة أذكر صحبتي والكلب موجوع
_وأمي والوطن ودفتر ذكرياتي
_وأتذكر ابوي بعد يفلح بالربوع
_واشلون اني جنت باول حياتي
_صرت هسة وحيد ومفجوع
_وهذا حقي وهذا مجازاتي

مشكووووووووور على هاذة الكلام

مشكور

حلو خوش اتالف تحياتي الك واستمر

مشكورين على الكلام الحلو والتشجيع
تحياتي

مشكورين وعاشت الايادي